عن Molla Life
137
من 137 كيلو... لـ Molla Life
قصة Molla Life ما بلشت من كتاب تغذية. بلشت من تجربة شخصية.
وأنا بصف تاسع وصلت لوزن قريب من 137 كيلو. وصلت لمرحلة حسّيت فيها إن الدنيا ضاقت علي، وصحتي وحياتي اليومية بلشوا يتأثروا. حتى النوم صار أصعب.
بليلة من الليالي طلعت أحاول أركض. ما قدرت أكمل أكثر من دقيقة تقريبًا. رجعت، وبعدها قلت لحالي: لأ، أنا بقدر أعمل تغيير.
لأ، أنا بقدر أعمل تغيير.
تابع القراءة
ومن هناك بلشت.
خلال سنة تغيّرت حياتي بشكل كبير. وبعدها عشت كمان الشي اللي كثير ناس بعرفوه: أطلع بالوزن، أنزل، أجرب، أتعلم، وأفهم إنه المشكلة مش بس إنك تعرف شو تأكل.
بمرحلة معينة رحت أتعلم هندسة، بس ما شفت حالي بهذا المجال. كنت مؤمن، ولسه بآمن، إنه الإنسان لما يلاقي الشي اللي عنجد بحبه، بقدر يبدع فيه.
اخترت أتعلم تغذية، رغم إنه كثير ناس حواليّ قالولي إن المجال مش مناسب إلي.
من وقتها، التجربة الشخصية صارت تمشي جنب العلم. درست، دخلت المجال، وبلشت أبني طريقة تجمع بين البحث العلمي وبين فهم الحياة الحقيقية للناس: الأكل اللي منعرفه، المناسبات، الضغط، الأيام اللي ما إلنا خلق نلتزم فيها، وكل التفاصيل اللي بتصير بين لقاء ولقاء.
هيك تأسست Molla Life.
اليوم، بعد أكثر من 11 سنة بالمجال وأكثر من 5,000 شخص مرّوا معنا، Molla Life صار فريق متكامل من أخصائيي تغذية علاجيين مرخّصين من وزارة الصحة، ومتابعة مبنية على فكرة بسيطة:
الصحة والتوازن مش لازم يكونوا على حساب راحتك وحياتك.